KITA JAGA ISLAM ALLAH AKAN JAGA KITA

ISLAM DAH AJAR TAPI KITA YANG KURANG AJAR


Sabtu, 28 Februari 2009

Assalamualaikum

pemuda amno enggan mintak maap pada kapa sing...biaso la samseng mano buleh tunduk kek oghang samseng bosa la kato kan. Agak nyo la kemano arah samseng ni sumo kalau parti amno dan lonyap besok ontah ontah jadi yakuza ko mafia pulak ko mana la tau.

Dah la namo parti pakai bahaso penjajah tapi mengaku bejiwo melayu tulin hah bla la jang oii.
Selagi tak mau begubah selagi tu la amno jadi keboncian rakyat tu la kehondak Allah.

Assalamualaikum

Sekarang diharapkan kepado semuo soda dan lihatlah camano amno punyo perangai, den dah koba amno nih memang mengado ngado suko menyusahkan oghang itu yang den paling pantang sekali.

Kalau den kato cilako atau den kato meluat tahap maksima pado amno ni karang tak la pulak sampai ati sobab adik beradik dan warikh den banyak oghang amno tapi den nak bagi ingatlaaaa jangan buek kojo bangang dan bahlul sampai nak sorang parlimen tolong la jang jangan buek kojo tak semonggah.

Jumaat, 27 Februari 2009

Assalamualaikum

Ghamai oghang sekarang dah soda tipu muslihat oghang politik nih, laie pun caro politik lamo macam amno tu dah tak laku laie kek hati rakyat...setakat pakai samseng lopeh tu gunokan jentera awam macam polis tu bertambah la oghang meluat.

den bukan la anti amno tapi bonci dengan caro koto politik dio tu tah bilo la nak beghubah tuhan yo yang tau.

Khamis, 26 Februari 2009

Assalamualaikum dan salam sojahtro

Huh handa boto amno punyo samseng nih kan main laie nak poie pukul oghang nak ontak oghang hebat kau jang kalau bab ontak mengontak kan main handa kau kan jang tapi bilo bangso sendiri selamo 50 tahun nih makin parah mano kau poie?

kok kuek bona kok koreh bona kepalo tu moh kito jihad seboto boto untuk agamo, cubo amno tengok nasib Melayu nih sobona bona eeee jangan pandai jadi samseng yo janggggg muntah den nengokk eeeeeeeeee.

Assalamualaikum

Tu la kan dah kono cilako kek kapa sing melatah amno dibuek kek kapa sing tapi tak heran laaa keri anak jamaludin tu pun biaso panggil pembangkang beruk la monyek la dah dapek la baleh eeee.

Laie satu hati-hati kek sesapo nak buek sodokah lombu ko kambing ko karang kok kono repot kek amno dan kuncu kuncu dio parah jang oiii.

Selasa, 24 Februari 2009

Assalamualaikum

sprm tutup 45 kes rasuah amno, biaso loa tu bro sampai kiamat pun tak do yang salah kalau oghang amno, sprm apo la sangat hebat eee hancusss.

PPSMI apo laie montori isamudin beghani ko bedobat dongan PAS tak kan tolo masuk dalam kot sahut aaaaa jang

Ahad, 22 Februari 2009

Assalamualaikum

Nih satu laie den nak koba pasal mufti Perak nih tu laaaa lain kali jangan buek kojo tak semonggah agamo dijago dongan nyawo bukan jago isi porut oghang politik bukan rajo ko sultan ko nih la masalah eee kalau pandai agamo tapi tak amanah, tak usah la buek muko sodih.

Sepatut eeee mufti togah oghang buek jahat dan khianat bukan menumpang sekaki apo laaaa mufti zaman nih nak jadi heran den.

Assalamualaikum

Jahanam la kau SPRM buek siasatan macam hampeh kalau selain umno copek yo kau siasat osah sial boto kelakuan manusia camni ontah sampai bilo nak begubah.

Cubo la jangan mengampu atau jadi hambo parti jalankan la amanah Allah dongan baik hisss goram den tengok muko ketuo SPRM tu ghaso nak sapu dongan taik lombu yo muko dio...

Jumaat, 20 Februari 2009

Assalamualaikum

wah wah kan main copek laie sprm siasat kes rasuah Pakatan Rakyat bagus la rajin boto siasat kojap dan dapek bukti tapi kalau hantu dari umno buek salahh berjuta oghang lapor pun sprm buek tak tau yo apo laie nak siasat bangang boto sprm ni pilih kasih den doakan Allah tunjukkan balasan pado manusia yang zalim nih...

Assalamualaikum

Hari nih sojak sekian lamo tak menengok tv kerajaan dan tv mengampu dongan tak sengajo tertengok pulak hisss memang takdo apo ubah masih macam tahun purbo dulu loyo tokak den tak sanggup laie tengok berito macam tu jauhkan laaa ahaiiiiiiii

Khamis, 19 Februari 2009

Assalamualaikum dan sojahtro pado sumo

den cumo nak koba kek oghang umno maso kau amik Perak hari tu tak pulak pakai undang undang tapi bilo dah kono gantung kek tuan spiko dewan tau pulak nyobut undang undang dari awal sampai sekarang asik belindung balik ketiak rajo....bulih tahan penakut yooo semuo eeeee jang.

Tu laa kito nih mahkluk tuhan ado tahap tahap yang kito bulih buek Allah tak kan biarkan kezaliman selamo lamonyo ingat laaa jang entah esok entah kojap laie mati sok sok apo nak jawab kek tuhan.

Assalamualaikum



umno tak sonang duduk sekarang nih tongah sibuk mempertahankan rajo kek Melaya nih, kan main hebat gorak lagak dio oghang.


Tapi sayang sekali sobab yang paling goma melawan rajo tak lain tak bukan umno la jugak contoh mudah kito tengok ni haa


1) sapo yang kurangkan kuaso rajo?

2) sapo yang panggil rajo binatang?

3) sapo melaun yang bawak lari anak rajo?


harap harap rajo kek tanah Melayu nih ingatlah jangan la tunduk pado oghang camtu yooo Tuanku...jago laa kabajikan rakyat daripado jago isi porut orang politik tu.
den ni pun sayang dan hormat yo kek rajo tapi sayang dan hormat den biarlah selari dongan kehondak syarak.

Assalamualaikum dan salam sojahtro

ado oghang tak abih abih buek jahat rampeh sano rampeh sini nayo sano nayo sini
buek muko selambo yooo oghang jenis nii. dio bukan kesah kojo jahat dio tu menyusahkan oghang gamai janji hati iblis eee tu sonang janji napsu kobau eee tu dapek dilaksanokan apo laaaa nak nadi kau ni jang ooiii

Rabu, 18 Februari 2009

Assalamualaikum

Sepoti biaso den tak selero baco surat kaba arus perdano nih huuuu dio punyo ampu luar bonak den lobih baik tak baco daripado gilo dibuek eeeee, satu laie tb tigo pun dah tekona dongan gayo meronyam jadi baik jangan tengok.

jadi kito tengok dan baco apo ado dalam internet ni laaa jang

Selasa, 17 Februari 2009

Assalamualaikum

Muak, meluat dan bermacam macam laie reaksi setiap oghang yang den jumpo ditujukan kepado 3 bondo nih haaaa, harap sapo yang terlibat dongan 3 bondo nihh insaflah yo jang...

1) umno/bn

kenapo banyak oghang meluat jawapan ee mudah yo selaie sikap eee tak beghubah selaie tu la sobab musabab eee

2) polis

kenapo lak polis sobab ee ghamai oghang gaso polis nihlobih umno dari umno dan umno nihhh laie polis dari polis itula sobab musabab eeee

3) spr

haaa nih memang tak payah kato laaaa dan terkona parah tak kan ado baik selaie idung ee ado gantai kannn

Isnin, 16 Februari 2009

Assalamualaikum

bn/umno memang dah nyanyuk mencari jalan menjatuhkan kerjaan PR, den nak koba kek smuo la oghang bn/umno lobih baik luruskan parti sendiri yang dah toruk tu biar rakyat percayo semulo.

mano mano den poie takdo satu oghang pun suko bn/umno tu yang den heran camano mereko tak soda soda laie hissss polik la perti bn/umno nihhh.

kalau la parti nih buleh ubah caro dio den pun sanggup sokong tapi kalau camni payah la jang oiiii

Ahad, 15 Februari 2009

Assalamulaikum

Allah lobih berkuaso daripada segalonyo termasuk rajo ko sultan ko kalau sesiapo sajo zalim dan mengnayo sesamo manusia mako mudah untuk kito tau tompek mereko adolah nerako Allah dan bakal menerimo azab yang tak terhinggo, tengok la bilo maso tu sampai nanti takdo sapo yang bosa melainkan Allah la juo.

Assalamualaikum dan salam sejahtro

Banyak catatan dan pandangan yang den baco melalui blog, surat khabar dan sebagainyo mako yang joleh dan torang adalah tontang hak dan maruah kerajaan yang mendapek mandat rakyat tolah dicomar oleh tangan tangan jahat dan sosek yang sanggup menghancurkan negaro kerano gilo kuaso, memang celako dan mencelakokan.

Macam mano la nanti yo kalau generasi haprak nih dan pupus nanti harap harap negaro den masih togak berdiri la hondaknyo amin...

Jumaat, 13 Februari 2009

Assalamualikum salam sejahtro

Hai den nak tanyo kek pihak polis dengan namo Allah boto ko pihak polis ni bertindak matang dan tidak berpihak kek mano mano??? selamo den kona dunio ni la seingat den sebosa dobu pun den tak nampak polis ni bebas den ghaso elok tuka namao polis dighajo malaysia tu ke pada polis dighajo umno baru boto jang...

agak eee laaa kan kalau takdir tuhan bungkus tika banta umno bn nih camano la polis atau pengampu kerajaan nih nak begorak agak eee kan jang.

Khamis, 12 Februari 2009

Assalamualaikum

lain kali tak payah ado pilihangayo kalau ado pun tak guno sobab rakyat susah-susah pilih tapi ado pulak yang megampeh kuaso payah payah

bn/umno hilang halo tuju semato-mato nak bekuaso

Assalamualaikum dan salam sojahtro

Bab nih kalau oghang politik yang cakap mungkin ado sobab dan kopontingan dio, tapi den bukan oghang politik becakap sobab dah muak nengok perangai merapik parti bn/umno nih sepatutnyo dalam keadaan rakyat dah tak suko cubo la cari jalan cemano nak amik ati balik nih buek kojo tak semonggah hisss payah la kau jang nak naik kalau ini caro eee.

cubo la umno pikir elok elok kalau tak ondak rakyat tolak parti ekau...

Rabu, 11 Februari 2009

Berani kerano menogakkan kebonaran

Assalamualaikum

Pado kerajaan PR juga pencinta keadilan dan kejujuran berjuanglah dengan berani dan soba Allah melihat sentiaso

Apo laie kalau bukan isu Perak


Assalamualaikum dan sojahtro pado semuo


Dah banyak isu den tulih dalam blog lamo dulu tapi paham-paham yo la tetibo yo ghosak pulak blog tu.


Macam biaso isu Perak nih memang mencabar kesabaran den ontah kenapo meluat boto den dongan perampeh kuaso ni, nak kato den ahli politik tak pulak tapi den memang ghoram dengan bondo yang menyusahkan rakyat nih.


Den harap balasan akan tibo la hondaknyo

Selasa, 10 Februari 2009

Teraso nak menulih semulo




assalamualaikum dan salam sojahtro

Hari den nak mulo menulih balik terutama isu yang menyontuh kebajikan rakyat jelato dan jugo isu-isu politik semaso.

den harap tulisan den nak akan mendatangkan kebaikan kepado diri den dan semuo dunio akhirat

BLOG

Arkib Blog